http://img.youtube.com/vi/nbIj_Fh7y7o/0.jpg
[
]
د دعا
ستا په راضا زما راضا ده ربه
ماته قبوله ستا قضا ده ربه
ته چې فرمايې تل هغه به کيږي
بې له څه ځنډه خامخابه کيږي
ته مو قبول دغه يو سوا ل کړې خدايه
حال مو بهتره تر في لحال کړې خدايه
زړو ته مو مينه محبت راولې
پکې اخلاص اواخوت راولې
زمونږ په زړو کې ورورولي پيدا کړه
دانسانيت په نوم دوستي پيدا کړه
زمونږ په مټو کې طاقت واچوه
زمونږ په زړو کې صداقت واچوه
ژبه مې دارنګه ګويا ده ربه
ته مو معاف کړې که خطا ده ربه
دا التماس دې په بيا بيا به کيږي
بې له څه ځنډه خامخا به کيږي
راکړې مشران چې په وطن وي مين
دپاکې خاورې په هر تن وي مين
افغانستان لکه خپل کور وګڼي
هر يو افغان خپل سکه ورور وګڼي
ځوانان مو واړه توريالي کړې ربه
په هر ظالم يې بريالي کړې ربه
چې مو واړه په سمه سمه لاړشي
دوی د عالم تر لوړ مقامه لاړ شي
که کړې چېرته مو ګوناه ده ربه
په تېرو کړو زمونږ توبه ده ربه
دستا له خوا دافيصله به کيږي
بې له څه ځنډه خامخا به کيږي
ټوکر ټوکر ملک مې اباد کړې خدايه
هر يو دښمن يې نيست برباد کړي خدايه
د خټو کور ته مو خوښي راولې
دا مړاوي زړو ته مو مستي راولي
دکونډو رنډو يتيمانو ژړا
د قرضدارانو او ناتوانو ژاړا
نوره خاموشه کړي همدومره بس ده
لويه څښتنه دا تر عمره بس ده
غوښتي،ځدراڼ، دغه دعا ده ربه
ته يې مستجب کړې که ريښتيا ده ربه
دا ستا په در کې دا دعا به کيږي
بې له څه ځنډه خامخا به کيږي
http://www.oneafghan.tk
source
Comments
Post a Comment